Ábrese o prazo de inscrición
para participar na primavera de Portas Abertas na Ruta do Viño da Ribeira Sacra
que terá lugar dentro dun mes
· Cata Maridaxe Viño e Flores, maio, mes no que en moitos puntos de Galicia celébranse os "Maios". Con esta proposta a Ruta do Viño quere celebrar esa tradición presente nos seus viños e a contorna, cunha harmonía de viños e flores de tempada, buscando esa asociación do mes de maio e os matices dos seus viños. Que aromas nos trasladan os viños de expresión máis primaveral e reforzar eses aromas cheirando varias desas flores e outras herbas. A que cheiran un "maio" e un viño?
Durante as fins de semana de maio celébrase a Primavera
de Portas Abertas nas Rutas do Viño de Galicia. No Ruta do Viño da
Ribeira Sacra as actividades desenvolveranse entre o 23 e o 25 de maio.
Contarase con visitas guiadas e gratuítas ás adegas: Adega Vella, Amedo,
Adega Proencia, Adega Ribada, Cachín, Casa Moreiras, Rectoral de Amandi,
Condado de Sequeiras, Finca Míllara, Ponte da Boga, Ronsel do Sil, Val de
Quiroga e Vía Romana. Ao finalizar as visitas ofreceranse degustacións de
viños.
Como é habitual haberá Bus do Viño, con 4
saídas o sábado pola mañá desde a Praza de Bretaña en Lugo, a estación de
ferrocarril de Ourense, a Avenida Xardíns Méndez Núñez na Coruña e na Avenida
de Madrid en Vigo (Centro médico Concheiro). O domingo día 25 haberá un Bus do
Viño con saída da estación de ferrocarril de Ourense, outro desde a Praza de
Bretaña en Lugo e unha saída desde Santiago de Compostela (Hotel Porta do
Camiño). A actividade ten un custo de 10 €/adult@ - 5 €/niñ@ (de 3 a 13 anos).
O xantar non está incluído. As prazas son limitadas sendo necesaria reserva
previa na web da Ruta do Viño de Ribeira Sacra
https://rutadelvinoribeirasacra.org/lista-actividades/es
Organízanse ademais roteiros e actividades
enoturísticas para coñecer a paisaxe, as adegas e o patrimonio da Ruta:
·
Ouro, Aceite e Viño de Quiroga, con saída o 24 de maio ás 9:00h. do aparcamento do Parque
dos Condes de Monforte de Lemos. O prezo é de 10€/persoa, sendo necesario un
mínimo de 10 persoas para realizar a actividade que inclúe transporte e guía
acompañante para facer roteiro de sendeirismo polo Camiño de Inverno, partindo
de Montefurado e finalizando no muíño de aceite. (Tramo de 6km aproximadamente,
dificultade baixa)
·
Ruta do Románico de Sober, con saída o 24 de maio ás 9:30h. da Oficina de Turismo de
Sober (Praza do Concello). A actividade é gratuíta. Os desprazamentos
realizaranse en vehículos particulares, sendo necesario un mínimo de 10 persoas
para realizar a actividade. Inclúe as visitas a San Xillao de Lobios, San Vicente
de Pinol, Santa María de Proendos e visita e degustación na adega Proencia.
·
Entre Auga e Viño, con saída o 24 de maio ás 17:00 h. desde o aparcamento do
Parque dos Condes en Monforte de Lemos, Lugo. O prezo é de 10€/persoa, sendo
necesario un mínimo de 10 persoas para realizar a actividade que inclúe
transporte e guía acompañante para facer o Roteiro desde o pantalán de Pincelo
na lancha Quinta Sacra polo río Miño, gozando dos socalcos e adegas ata chegar
á zona de San Fiz para finalizar no pantalán da Míllara. Inclúe visita á adega Finca
Míllara coa degustación de 3 viños acompañados duns petiscos.
·
Viño e jazz. O 24 de maio ás 19:00h celebrarase un concerto de
música do grupo de Jazz Gabi Triana Quintet nos arredores do embarcadoiro dos
Chancís no municipio de Sober. Durante o concerto haberá degustación de 3 viños
presentados por un catador, mesturando os diferentes estilos, ritmos e melodías
cos viños nunha contorna única á beira do Sil. A actividade é gratuíta e conta
con aforo para 60 persoas.
·
Ruta do Camiño de Inverno: Románico e Natureza, con saída o 25
de maio ás 09:30 h.
desde o aparcamento do Parque dos Condes en Monforte de Lemos. O prezo é de
10€/persoa, sendo necesario un mínimo de 10 persoas para realizar a actividade
que inclúe transporte e guía acompañante para visitar a igrexa románica de San
Paio de Diomondi e o palacio de Diomondi, hoxe albergue de peregrinos. Farase
un percorrido a pé entre Diomondi e a aldea de Belesar, entre soutos e
carballeiras para coñecer os aspectos naturais, patrimoniais e etnográficos
deste tramo (aprox. 3 km dificultade media).
Esta Primavera de Portas Abertas na Ruta do Viño de
Ribeira Sacra conta tamén con visitas ao Centro de Interpretación do Viño de
Ribeira Sacra que se farán o venres 23, sábado 24 e domingo 25 de maio, ás
12.30 e ás 18.00 h. O Ecomuseo de Arxeriz fará visitas nesas xornadas,
de 11.00 a 14.00 e de 17.00 a 20.00 h. Tamén o Museo Etnográfico de Quiroga
fará visitas os tres días previa reserva. O 24 e 25 de maio, tamén previa
reserva, haberá Roteiros Guiados en Segway pola Ribeira Sacra de 12.00 a
17.00 e Quinta Sacra ofrece paseos en barca para grupos segundo
dispoñibilidade.
Para participar nas actividades da Primavera de Portas
Abertas na Ruta do Viño de Ribeira Sacra é necesaria inscrición previa a través
da web https://rutadelvinoribeirasacra.org/lista-actividades/es. Ábrese o
prazo de inscrición o día 23 de abril sendo necesaria unha inscrición por
persoa. Para máis información rutavino@ribeirasacra.org e no teléfono 698 167
991.
