COCIÑAR
CON RIBEIRO
Concurso
Oficial 50ª Feira do Viño do Ribeiro
O
Consello Regulador da Denominación de Orixe Ribeiro convoca o
concurso “Cociñar con Ribeiro”, dirixido ás escolas de
hostalería IES de Galicia e que celebrará a súa final no marco da
50 Feira do Viño do Ribeiro
Ribadavia, 25 de
febreiro de 2013.
Hoxe darase a coñecer a actividade “Cociña co Ribeiro”, un
concurso cuxo obxectivo principal é difundir a cociña con viños da
Denominación de Orixe Ribeiro, mediante a creación de novas
receitas ou a recreación de receitas xa existentes, onde dun xeito
directo, como ingrediente, acompañante ou inspiración, o Ribeiro
forme parte da elaboración dos pratos.
Este
concurso, que inicia hoxe o prazo de inscrición, está dirixido ás
escolas de hostalería IES de Galicia que deberán presentar as súas
receitas, un máximo de dúas por escola, antes do vindeiro 31 de
marzo.
Un
xurado de expertos, integrado por dous cociñeiros, dous sumilleres,
un crítico gastronómico e dous representantes do Consello
Regulador, elixirán entre todas as propostas recibidas, tres
receitas finalistas que deberán ser presentadas polos seus
responsables o domingo 5 de maio, na Aula Gastronómica da 50ª Feira
do Viño do Ribeiro.
Tras a deliberación do
xurado, o domingo 5 de maio, darase a coñecer á escola gañadora,
que recibirá o seu premio no transcurso da cerimonia de entrega dos
Premios D.O. Ribeiro (en xuño, data a determinar). Ademais será
obsequiada cunha viaxe á Denominación de Orixe Ribeiro, con visita
ás adegas da D.O. e participación nun variado programa de
actividades de aproximación á cultura do viño.
Máis
información: Marta Fernández (606 568 050- marta@ribeiro.es)
No hay comentarios:
Publicar un comentario